Il-pulizija qegħda tfittex żagħżugħ Albaniż ta' madwar 24 sena b'rabta mas-serqa armata li saret minn ħanut tal-ġojjellerija f’Tignè Point nhar il-Ħamis li għadda.
Iż-żagħżugħ li għandu passaport Albaniż jismu Ramazan Hysa.
Nhar il-Ħamis ili għadda, ammont ta’ deheb insteraq f’’hold up’ li saret fil-ħanut Diamonds International, li jinsab fi Pjazza Tignè f’The Point.
Żewġ ħaddiema li kienu fil-ħanut waqt il-ħin tal-‘hold up’ ingħatalhom l-għajnuna medika wara li weġġgħu meta rreżistew lill-ħallelin.
Aktar tard, il-Pulizija sabu karozza bajda abbandunata fl-inħawi tal-Kulleġġ ta' Stella Maris fil-Gżira, li x’aktarx hija l-karozza li użaw il-ħallelin biex ħarbu wara l-‘hold up’.
Il-Pulizija qed tappella biex kull min għandu xi informazzjoni jgħaddiha lill-Pulizija, anke b’mod anonimu, permezz tan-numri 119 / 21 224001 jew l-Għassa ta’ Tas-Sliema fuq 2294 3351.
