Marlene Farrugia issejjaħ għal vot ta' fiduċja f'Adrian Delia

...wara l-aħbar li qed jinġabru firem minn Deputati Nazzjonalisti biex Delia jitqaċċat minn postu bħal Kap tal-Oppożizzjoni

25 t'Ottubru 2017 16:31
minn Albert Gauci Cunningham

Marlene Farrugia ħdejn simon Busuttil, li jista' jerġa jsib postu bħala Kap tal-Oppożizzjoni

Il-Kap tal-Partit Demokratiku u Deputat tal-Oppożizzjoni Marlene Farrugia sejħet għal vot ta' fiduċja fil-Parlament fil-konfront ta' Adrian Delia. F'messaġġ li ħalliet fuq il-paġna tagħha ta' Facebook, Farrugia li qatt m'għamlet l-antipatija politika tagħha lejn Delia sigriet, sostniet li Malta jeħtiġilha Oppożizzjoni ,magħquda u kumpatta biex 'il-gvern ikun espost, kuljum u l-ħin kollu' sostniet Farrugia.

Hija tgħid li fid-dawl ta' dan id-deċiżjoni dwar Adrian Delia għandha tittieħed kemm jista jkun malajr. Iktar kmieni illum dan is-sit irraporta kif dawk li qed imexxu firem biex Delia jitlef l-appoġġ maġġoritarju iridu jerġgħu jlaħħqu lil Simon Busuttil bħala Kap tal-Oppożizzjoni.