Wara proċess twil ta' konsultazzjoni, il-Malta Union of Teachers (MUT) qablet mal-Ministeru għall-Edukazzjoni u ġie ffirmat ftehim settorjali ġdid li se jkun effettiv bejn l-2018 u l-2022.
Dan se jaffettwa l-edukaturi fl-iskejjek tal-istat kollha fil-pajjiż, bl-aspetti finanzjarji affettwaw l-edukaturi li jaħdmu fl-iskejjel tal-Knisja wkoll.
Fi stqarrija, l-MUT qalet li l-ftehim se jkun qed jipprovdi viżjoni għall-iżvilupp tas-settur edukattiv għall-ħames snin li ġejjin, b'investiment fl-edukaturi sabiex ikunu jistgħu jipprovdu l-aħjar esperjenza edukattiva lill-istudenti.
Il-President tal-MUT, Marco Bonnici, sostna li "reċentement smajna tant dwar il-kriżi attwali għalhekk nisperaw li fis-snin li ġejjin se naraw sitwazzjoni aħjar fis-settur."
"It-titjib se jħeġġeġ liż-żgħażagħ jidħlu f'din il-professjoni" kompla jgħid il-Presdident tal-MUT.
![[Aġġornat] Kuċċier iweġġa' gravi f'ħabta l-Furjana](http://content.illum.com.mt/ui_frontend/thumbnail/684/0/habta21022025.png)
