Il-Ministru tal-Ġustizzja ddefenda l-ħlas ta' €4.2m għall-akkwist ta' Cafè Premier meta qal li hu kkonfortat bil-prezz imħallas għaliex skontu, "kien hemm 'value for money'".
Meta mistoqsi dwar il-każ ta' Cafè Premier, il-Ministru kompla jgħid li l-problema ġiet indirizzata u solvuta billi sar dan il-qbil biex b'hekk il-propjetà issa qiegħda lura għand il-Gvern.
Minkejja dan, il-Ministru saħaq li "t-tagħlim li tana l-Awditur Ġenerali għandna nieħdu nota tiegħu sabiex ċertu żbalji ma jiġux ripetuti, fejn hu stess daħal fid-dettall ta' dak li qal l-Awditur Ġenerali.
Bonnici tkellem ukoll dwar il-fatt li meta l-Gvern ikaxkar saqajh biex jieħu xi deċiżjoni, dan jiġi kkritikat imma jiġi kkritikat ukoll meta jieħu deċiżjoni malajr.
Il-Ministru temm billi qal li huwa l-aħjar li jittieħdu d-deċiżjonijiet ħalli pajjiżna jimxi 'l quddiem.
