F'mistoqsija parlamentari mill-kelliema tal-oppożizzjoni dwar is-saħħa, Claudette Buttigieg staqsiet kemm hemm mediċini li jinsabu out of stock, liema huma u kemm dawn kienu ilhom out of stock.
Fit-tweġiba tiegħu, il-Ministru għall-Enerġija u s-Saħħa, Konrad Mizzi wieġeb li fil-preżent, hemm 12-il mediċina out of stock. Minn fost dawn it-tnax, waħda minnhom hija mediċina li mhix disponibbli fuq livell internazzjonali.
Fl-istess waqt, il-Ministru Mizzi semma li kien hemm żminijiet fil-passat fejn l-ammont ta' mediċini mhux disponibbli fl-Isptar Mater Dei kienu jaqbżu l-mitejn mediċina.
