'Tħallux it-Tanker jankra f'Marsaxlokk...'

Aktar kmieni llum, il-Kap tal-Oppożizzjoni Simon Busuttil bagħat ittri liċ-Chairman tal-Awtorità dwar is-Saħħa u s-Sigurtà u liċ-Chairman tal-Aġenzija tal-Ambjent u r-Riżorsi li fihom qed jinsisti li t-tanker tal-gass għandu jitwaqqaf milli jiġi ankrat fil-bajja ta’ Marsaxlokk sakemm ir-rapporti kollha marbutà mar-riskju għas-saħħa u s-sigurtà tal-pubbliku jiġu ppubblikati.

Fl-ittri tiegħu, Busuttil irrefera għad-Direttiva Seveso III, li hi parti mill-liġi Maltija, u li tagħmilha ċara li l-awtoritajiet għandhom iwaqqfu entità milli topera jekk il-miżuri għall-prevenzjoni u l-mitigazzjoni ta’ inċidenti ma jkunux suffiċjenti.

Din id-Direttiva tagħmilha ċara wkoll li l-informazzjoni dwar ir-riskji għandha tingħata regolarment lil dawk kollha soġġetti għall-periklu.