Jogħlew u jibqgħu jogħlew ... il-prezzijiet tal-ikel l-iktar li jiżdiedu f'Marzu

Il-prezzijiet tal-ikel u x-xorb non alkoħoliku komplew bix-xejra 'l fuq u fil-fatt, skont statistika tal-Uffiċċju Nazzjonali tal-istatistika, f'Marzu l-akbar żieda fl-inflazzjoni kienet fil-prezzijiet tal-ikel. 

Fil-fatt, l-indiċi tal-prezzijiet tal-ikel f'sena żdiedu min 105.76 f'Marzu tas-sena l-oħra għal 109.46 din is-sena. Iż-żieda fil-prezzijiet tal-ikel f'Marzu kienet ta' 3.5%. 

F'dawn l-aħħar xhur il-prezzijiet tal-ikel baqgħu telgħin u telgħin, kif fil-fatt irrapporta dan is-sit. 

It-tieni żieda kienet fil-prezzijiet tal-ilma, elettriku, gass u fjuwil b'żieda ta' 2.5%. 

Minn naħa l-oħra il-prezzijiet relatati mal-edukazzjoni u għamara, manutenzjoni u tagħmir tad-dar raw traħħis.