Mit-Tlieta jibdew jitlaqqmu t-tfal hekk kif it-tnejn jaslu l-ewwel dożi għalihom

Id-Deputat Prim Ministru Ministru għas-Saħħa Chris Fearne ħabbar li min-nhar it-Tlieta se jibdew jitlaqqmu wkoll it-tfal li għandhom bejn ħames snin u 11-il sena.

Fil-fatt, l-ewwel dożi għalihom mistennija jaslu nhar it-Tnejn li ġej, hekk kif għat-tfal, id-doża tal-vaċċin hija inqas minn dik tal-adulti.

Il-ġenituri se jirċievu invit permezz ta' telefonata jew SMS, bil-prijorità se tingħata lil tfal vulnerabbli u dawk li jbatu minn mard kroniku.

It-tfal se jkunu qed jingħataw il-vaċċin ta' Pfizer li temmew l-istudji u kisbu l-approvazzjoni, inkluż tal-Aġenzija Ewropea għall-Mediċini.

Aqra wkoll:

• Il-maskri jerġgħu jsiru obbligatorji fuq barra mis-Sibt... imma ebda restrizzjonijiet oħrajn għalissa
• Pfizer tgħid li l-booster tal-vaċċin toffri protezzjoni tajba kontra l-varjant Omicron