AĠĠORNAT | Il-koppja Calleja Maatouk jinstabu fil-Libja

L-artiklu ġie aġġornat is-Sibt fis-1:29pm, f'dettalji ġodda.

Koppja Maltija, li tinsab fil-lista tal-aktar persuni mfittxija fl-Ewropa, instabu lbieraħ.

Rapporti tat-Times u TVM, spjegaw kif Jomic Calleja Maatouk ġie arrestat fil-Libja, filwaqt li martu Marzia instabet mejta.

Skont ir-rapporti, il-pulizija mxiet fuq rapporti li rċiviet, meta Calleja Maatouk instab qrib Tripli, mill-awtoritajiet Libjani.

Times jirraportaw ukoll li Marzia Calleja Maatouk instabet mejta, bl-awtopsja ssir fil-jiem li ġejjin.

F’Lulju tas-sena l-oħra, Jomic Calleja Maatouk ġie kkundannat ħames snin ħabs, fuq importazzjoi ta’ splussivi mill-Istati Uniti.

Madwar xahar wara, waqt li kien qed jistenna l-Qorti tal-Appell tisma’ l-kawża tiegħu, ġie rraportat nieqes, bil-pulizija jikkonfermaw li huwa ħarab minn Malta.

Martu, ta’ 23 sena, kienet ukoll ikkundanata għal 15-il xahar ħabs, wara li nstabet ħatja ta’ pussess ta’ kannabis bil-għan li tkun traffikata.

Indikazzjonijiet kien wrew li l-kopja kienet waslet sas-Serbja, l-Italja, u xi pajjiżi fl-Afrika ta’ Fuq.

Għaldaqstant, il-Europol għadu ma kkonfermax l-arrest.