Imniedi l-video tad-diska Diamonds ta' Federica Falzon

Federica Falzon se tirrappreżenta lil Malta fil-Junior Eurovision bid-diska Diamonds miktuba mill-Muxu u Elton Zarb

17 t'Ottubru 2014 15:10
minn Frederick Attard

Federica Falzon se tkanta d-diska Diamonds

Dalgħodu fil-Kulleġġ San Benedittu, l-iskola fejn tattendi Federica Falzon, ġie mniedi l-video tad-diska Diamonds li biha Federica Falzon se tirrappreżenta lil Malta fil-Junior Eurovision. Ma' Federica ngħaqdu madwar 300 student mill-istess kulleġġ filwaqt li TVM xandar b'mod esklussiv it-tnedija tad-diska.

Diversi nies diġà raw il-video u anke kkummentaw fuqu fejn spikkaw ħafna kummenti favorevoli filwaqt li ma naqsux dawk li qalu li stennew xi ħaġa aħjar.