filmat | Għerrquh fil-kolla għall-gost, u kien se jmut

Il-kelb Pascal, li għad għandu biss erba' xhur kien se jmut, wara li grupp ta' tfal iddeċieda li jgħerreq lill-kelb f'kolla industrijali li ħallietu għal mejjet. Fil-fatt, il-kelb li kien abbandunat, instab f'żona industrijali f'kundizzjoni ħażina ħafna, u ngħata l-kura minn għaqda tas-salvataġġ tal-annimali fit-Turkija, He'Art of Rescue.

Illum, Pascal għamel il-ħbieb

Il-kelb kien jinsab f'kundizzjoni ħażina ħafna, u minkejja li ma kellux mard, ma kienx f'kundizzjoni ta' saħħa tajba. Il-ħaddiema tal-għaqda kellhom ineħħu l-pil kollu tal-kelb u jiġi kkurat għall-feriti li kellu kkawżati mill-kolla.

Wara ġimgħat jingħata l-kura, Pascal irkupra, għalkemm mhux totalment, għaliex għadu beżgħan f'kuntatt man-nies. Irnexxielu wkoll, jagħmel ħbieb fiċ-ċentru tas-salvataġġ tal-għaqda.