Josianne Cutajar mhix se tikkontesta għall-elezzjoni tal-Parlament Ewropew

Josianne Cutajar, Membru Parlamentari Ewropew għall-Partit Laburista, ħabbret permezz ta’ post fuq Facebook li mhix se tikkontesta għall-elezzjoni tal-Parlament Ewropew li jmiss f'Ġunju. 

Hija kitbet li kienet “Deċiżjoni diffiċli imma waħda li hemm bżonn f’dan l-istadju ta’ ħajti.” Hija kompliet tgħid li kien ta’ privileġġ li rrapreżentat lil Malta filwaqt li wettqet xogħol favur pajjiżna. 

Hija rringrazzjat lill-Partit Laburista, l-elettorat Naduri, flimkien mal-elettorat Malti u Għawdxi u lill-qrabat tagħha. 

Cutajar kienet l-iżgħar Maltija eletta fil-Parlament Ewropew u l-ewwel Għawdxija.