PPE, S&D u Renew Europe jibqgħu bl-aktar siġġijiet fil-Parlament Ewropew
Il-Partit Popolari Ewropew (PPE) kellu l-akbar appoġġ fl-elezzjonijiet tal-Parlament Ewropew, tant li flimkien mas-Soċjalisti u Demokratiċi, u l-grupp Renew Europe ħadu madwar 56% tas-siġġijiet
minn Marianna Calleja
Il-Partit Popolari Ewropew (PPE) kellu l-akbar appoġġ fl-elezzjonijiet tal-Parlament Ewropew.
Elezzjonijiet seħħew bejn 6 u 9 ta’ Ġunju madwar il-pajjiżi kollha fi ħdan l-Unjoni Ewropea. Malta ivvotat għas-sitt membri tagħha s-Sibt, u saret taf min huma bl-eletti l-Ħadd filgħaxija.
Għaldaqstant, 185 miljun votant użaw il-vot tagħhom ukoll, sabiex huma jeleġġu 720 Membru Parlamentari Ewropew.
Skont ċifri maħruġa, il-Partit Popolari Ewropew, is-Soċjalisti u Demokratiċi, u l-grupp Renew Europe baqgħu fuq quddiem, tant li bejnithom telgħu 403 MPE, madwar 56% tas-siġġijiet kollha.
Għaldaqstant il-Partit tal-Ħodor innota nuqqas żgħir fl-appoġġ, tant li tilef xi siġġijiet.
Min-naħa l-oħra ż-żieda fl-appoġġ għall-partiti tal-lemin estrem ma kinitx daqshekk evidenti daqs kemm bdew jittammaw wħud.
Minkejja dan, Franza kienet fost dawk li telgħet bosta kandidati tal-lemin estrem. Dan sforza elezzjonijiet bikrija fi Franza.
Jaġġornaw l-Ewropa dwar dan kollu, il-Parlament Ewropew qal li l-estimu ta’ rata ta’ turnout madwar l-UE hija ta’ 51%.
Dan l-artiklu jifforma parti minn sensiela jisimha Ewropej. Din parti minn inizzjattiva ta' tlett organiżazzjonijiet tal-aħbarijiet, iffinanzjata mill-Parlament Ewropew biex iqarreb iċ-ċittadini Maltin max-xogħol tal-PE u jżommhom infurmati fuq is-suġġetti li jmissulhom il-ħajja ta' kuljum. Dan l-artiklu jirrefletti l-veduti tal-awtur. Il-Parlament Ewropew mhuwiex responsabbli għall-użu li jista' jsir mill-informazzjoni hawn provduta.
