Il-President iżur għall-aħħar darba d-Dar tal-Providenza

Bit-tmiem il-presidenza tiegħu b’madwar xahar u nofs biss bogħod, il-President George Abela din il-ġimgħa żar għall-aħħar darba d-Dar tal-Providenza. Abela, li matul il-presidenza ħa ħsieb li jżur din id-dar għal diversi drabi, kellu l-opportunità li jżur u jitkellem kemm mar-residenti kif ukoll mal-carers.

23 ta' Frar 2014 23:36
minn Staff Reporter

George Abela jiltaqa’ mar-residenti tad-Dar tal-Providenza

Hu faħħar id-dedikazzjoni ta’ dawk li jieħdu ħsieb ir-residenti li jieħdu xogħolhom bħala vokazzjoni, u reġa’ fakkar fil-ħtieġa li jkollna soċjetà inklussiva bbażata fuq il-ġustizzja soċjali u s-solidarjetà. “Soċjetà b’qalb kbira li tilqa’ lil kulħadd, irrispettivament mid-differenzi tal-individwu.”

L-amministrazzjoni tad-Dar irringrazzjat lil President u preżentatlu sett ta’ kotba li jinkludu l-enċikliki tal-Papa Ġwanni Pawlu II.

Il-Presidenza ta’ George Abela, mingħajr ebda dubju wieħed mill-aktar presidenti maħbubin fl-istorja, tiġi fi tmiemha fl-4 t’April li ġej. Il-Prim Ministru Joseph Muscat għadu jrid iħabbar is-suċċessur tiegħu.

Il-President iżur għall-aħħar darba d-Dar tal-Providenza

Lidl mwaqqaf mill-Awtorità tal-Kompetizzjoni milli jixtri supermarket f’Ħaż-Żabbar

Kaos totali fil-bypass ta' Marsa/Ħamrun wara li vettura tieħu n-nar

'Kuraġġ, you can make it': Titfakkar il-memorja ta' Karl Gouder

L-ERA toġġezzjona r-regolarizzazzjoni ta' żewġ pixxini illegali f'ODZ mibnija minn Portelli