[RITRATTI] Ħabta bejn mutur u tractor f'Għawdex

Inċident tat-traffiku seħħ ftit tal-ħin ilu fi triq l-Imġarr Għajnsielem, Għawdex, meta raġel fuq mutur ipprova jaqla' tractor li min-naħa tiegħu kien qed jikser għal triq li kienet tagħti għaċ-ċentru ta' Għajnsielem.

Ambulanza waslet fuq il-post qabel il-pulizija, fejn fil-fatt il-pulizija waslu wara li l-ambulanza kienet telqet bir-raġel l-isptar. Mhux magħruf x'inhi l-kundizzjoni tar-raġel ferut għalkemm kif kien mimdud jingħata l-ewwel għajnuna min-nies tal-ambulanza deher anke jċempel fuq il-mobile, anke jekk l-infermiera ma ħallewhx jiċċaqlaq.

Ix-xufier tat-tractor li kien żagħżugħ qal li hu kien qed idur għat-triq sekondarja meta f'daqqa waħda jara l-mutur dieħel fuq ir-rota ta' quddiem tiegħu. Sid it-tractor ma weġġax.