Il-kantant Mango jmut fuq il-palk b'attakk tal-qalb

Il-kantant Taljan Mango li f'Novembru li għadda għalaq 60 sena miet b'attakk f'qalbu lejn tmiem kunċert li kien qed jagħti f'Matera lbieraħ u kien qed ikanta l-aktar diska popolari tiegħu 'Oro'. Hu ttieħed malajr l-isptar iżda kien diġà mejjet.

Mango kien qiegħed fuq il-keyboard idoqq dak il-ħin meta waqaf f'daqqa waħda u rnexxilu jiskuża ruħu mal-pubbliku li nfexx f'applaws, iżda Mango waqa' f'idejn sħabu.