Raġel jaqa' sular f'sit tal-kostruzzjoni f'Birkirkara

Raġel qed isofri minn ġrieħi gravi wara li waqa’ madwar sular waqt li kien qed jagħmel xogħol f’sit ta’ kostruzzjoni f’Birkirkara.

Il-każ seħħ għall-ħabta tas-sebgħa neqsin kwart fi Triq Notabile.

Il-vittma, Libjan ta' 41 sena, ittieħed l-Isptar Mater Dei permezz ta’ ambulanza.

L-investigazzjoni tal-Pulizija għadha għaddejja.