Anzjana tweġġa' waqt li kienet dieħla f'vettura

Anzjana qed issoffri minn ġrieħi gravi wara li waqgħet fi Triq il-Kungress Ewkaristiku fil-Mosta.

Il-każ seħħ għall-ħabta tad-9:40am meta l-anzjana kienet qed tirkeb f’vettura.

Jidher li meta kienet għadha dieħla fil-vettura, is-sewwieq laħaq mexa u spiċċat waqgħet.

Ambulanza ħadet lill-mara Mater Dei u l-Pulizija għadha qed tinvestiga l-każ.