Raġel armat b'sikkina jaggredixxi impjegata f'banka tal-lottu

Il-Pulizija għaddejja bit-tfittxija tagħha għal raġel armat li daħal jisraq minn banka tal-lottu fi Triq San Edwardu, Ħal Qormi.

Is-serqa seħħet fis-2:30pm. Dak il-ħin, fil-banka kien hemm impjegata ta' 31 sena, residenti Ħal Kirkop.

Ir-raġel allegatament aggredixxa lill-mara b'sikkina u seraq ammont ta’ flus kontanti qabel ħarab minn fuq il-post.

Il-vittma fortunatament ma sofriet l-ebda ġrieħi.

Bil-każ ġiet infurmata l-Maġistrat tal-Għassa Dr Audrey Demicoli LL.D, li ordnat li ssir inkjesta.