Anzjana titlef ħajjitha wara li ttajret fil-Qrendi

Anzjana ta' 81 sena tilfet ħajjitha wara li ntlaqtet minn vettura fi Triq it-Tempesta, il-Qrendi.

Il-każ seħħ għal ħabta tat-tmienja ta’ filgħodu.

L-ewwel investigazzjonijiet juru li l-anzjana sfat milquta minn vettura misjuqa minn mara ta’ 30 sena residenti l-Imqabba.

Il-vittma ġiet iċċertifikata mejta fuq il-post.

Bil-każ ġiet infurmata l-Maġistrat tal-Għassa li ħatret inkjesta filwaqt li l-investigazzjonijiet tal-Pulizija għadhom għaddejjin.