Wara d-deċiżjoni tiegħu, Joe Cuschieri ġie mitlub jikkunsidra l-pożizzjoni tiegħu mill-partit u aċċetta li jerġa’ jitfa’ l-kandidatura tiegħu.
Diriġenti għolja tal-partit talbuh biex jikkunsidra għax huma mħassba li ħafna Laburisti mhux bi ħsiebhom joħorġu jivvutaw.
Infatti stħarriġ mill-gazzetta MaltaToday juri li 75% biss tal-Laburisti qalu li ser joħorġu jivvutaw fl-elezzjonijiet tal-Parlament Ewropew.
Manwel Cuschieri li jiġi ħu Joe Cuschieri qed jattakka lil ħuh fuq Facebook.
Manwel Cuschieri jidher li hu mweġġa’ għall-mod kif ħuh ittratta l-każ ta’ missieru li mid-dehra jinsab f’dar tal-anzjani. Imma jidher li l-istorja ma waqfitx hawn. Safrattant fuq Facebook għamel referenzi ċari kontra ħuh u mhux hekk biss, qed jappoġġja l-kandidatura ta’ Alfred Sant minflok ta’ ħuh.
Joseph Cuschieri kien tkellem ma’ Ivan Bartolo fuq programm fuq Xejk u qal li l-partit ma kienx qed jappoġġjah u qal fil-pubbliku li ma kienx ser joħroġ għall-elezzjonijiet tal-Ewropa.
Fl-istħarriġ tal-MaltaToday jidher li Cuschieri ma għandux ċans jiġi elett.
