Fil-Laqgħa tal-Kumitat għall-Petizzjonijiet li saret il-bieraħ, petizzjonijiet min persuni minn Spanja, ir-Renju Unit u l-Ġermanja, talbu lill-Kummissjoni biex tibda taħdidiet sabiex l-Kummissjoni tippermetti li ċ-ċittadini li jgħixu b’mod permanenti f’pajjiżi oħra, jingħataw d-dritt li jivvutaw fl-elezzjonijiet ġenerali fil-pajjiżi tal-oriġini tagħhom u/jew fil-pajjiżtar-residenza tagħhom. L-argument mressaq favur din il-leġislazzjoni kien, li jekk dan id-dritt ma jingħatax il-prinċipju ta’ freedom of movement ikun qiegħed jiġi miċħud.
Fl-intervent tagħha l-MEP Marlene Mizzi ddikjarat li waqt li hi tappoġġja l-prinċipju ta’ moviment ħieles, il-proċess ta’ blanket electoral legislation ma jistax ikun konvenjenti għall-pajjiżi kollha.
“One size fights all jew leġislazzjoni cut and paste mhux aċċettabli. Il-leġislazzjoni Elettorali li tiddetermina min għandu d-dritt li jivvota, fejn u kif, għandha tibqa’ fl-ambitu tal-kompetenza nazzjonali u mhux imposta b’leġislazzjoni mill-Unjoni Ewropea. L-impatt ta’din il-leġislazzjoni ser tkun differenti fuq pajjiżi żgħar għal pajjiżi akbar, b’miljuni ta’ċittadini. “
Il-Membru Parlamentari Ewropew Mizzi, enfasizzat sitwazzjoni fejn minħabba d-daqs ta’ Malta, hemm aktar Maltin li jgħixu permanenti barra l-pajjiż, milli hemm Maltin residenti permanenti f’Malta. Dan ifisser illi persuni li jgħixu permanenti barra minn Malta, ser jiddeċiedu kif il-Maltin u l-pajjiż ikun iggvernat. Marlene Mizzi, żiedet li hekk kif id-drittijiet ta’ dawk iċ-ċittadini li jgħixu barra l-pajjiż għandhom ikunu salvagwardjati, hekk ukoll għandhom ikunu salvagwardjati d-drittijiet taċ-ċittadini li jgħixu fil-pajjiż fejn l-elezzjoni ġenerali tkun qed isseħħ.
“Għaldaqstant, dawk iċ-ċittadini li għandhom d-dritt li jivvutaw għandhom jingħataw kull metodu prattiku possibli biex jeżerċitaw d-dritt tagħhom. Dan jinkludi votazzjoni elettronika u l-votazzjoni fil-pajjiż tar-residenza tagħhom. Id-drittijiet taċ-ċittadini u l-prinċipju tad-demokrazija m’għandhomx ikunu kompromessi bl-ebda mod”.
Mizzi żiedet tgħid li : “Dan huwa każ fejn il-pajjiżi ż-żgħar għandhom iqumu fuq saqajhom u ma jippermettux li l-esiġenzi tal-istati membri akbar jaffetwawhom b’mod negattiv. Lanqas nistgħu nħallu li ċerti kompetenzi u drittijiet sovrani jiġu meħuda mill-istati membri u jiġu mitfugħa f’daqqa fil-liġijiet u r-regolamenti tal-Unjoni Ewropea. Min jivvotta, kif u fejn , huma wħud mid-drittijiet sovrani li ħadd m’għandu jmiss” qalet Marlene Mizzi.
.jpg)
