Stqarrija tal-Partit laburista tgħid hekk:
Il-Kap tal-Oppożizzjoni mhux kredibbli li wara li ħareġ quddiem il-mezzi tax-xandir b’recordings immanipulati u selettivi, issa jgħid li dawk kienu “biċċa recording.”
Mit-transcripts li ppubblika hu stess, joħroġ ċar li Simon Busuttil kellu f'idejh l-informazzjoni kollha, imma għażel li jneħħi biċċiet li ma jaqblux lilu.
Simon Busuttil inqabad bħala Kap diżonest u manipulattiv u llum kien isteriku biex jiġġustifika lilu nniffsu.
Ladarba l-Kap tal-Oppożizzjoni mmanipula recordings li ppubblika hu stess, u issa nqabad li ħalla partijiet kruċjali barra mir-recordings, għandu jerfa’ responsabbilta’.
Jekk ma kellux kollox u ħareġ b’konklużjoni, allura juri li għandna Kap tal-Oppożizzjoni dilettantesk, li jiġbed il-konklużjonijiet fuq nofs veritajiet.
Issa wara li nqabad b'dan kollu, flok mar jindirizza lill-media kif għamel kuljum għal dawn l-aħħar ħmistax, illum mar jitkellem ma' ġurnalist tiegħu fuq ir-radio, fejn infexx f'attakk fuq kulħadd, mill-mezzi tax-xandir sa persuni individwali.
