Il-każ fejn Josef Vella ntalab jagħti l-mowbajl

Aktar kmieni din il-ġimgħa, Josef Vella, is-Segretarju Ġenerali tal-UĦM intalab jagħti l-mowbajl tiegħu qabel ma jidħol laqgħa li kellu mal-Ministru Carmelo Abela. 

Fid-dawl ta’ dan, Jesmond Bonello, il-President tal-UĦM, bagħat ittra lil John Bencini, iċ-Chairman tal-Kunsill Malti għall-Iżvilupp Ekonomiku u Soċjali (MCESD) biex issir laqgħa URĠENTI mal-imsieħba soċjali kollha fi ħdan l-MCESD. Dan sabiex il-policy tal-gvern li semma l-Ministru Abela tkun diskussa mill-aktar fis possibbli.   

Il-UĦM qed titlob din il-laqgħa għax għaliha, din hi sitwazzjoni inaċċettabli u hi turija ta’ nuqqas ta’ rispett u fiduċja lejn l-imsieħba soċjali.