Gordon Pisani gideb taħt ġurament – JPO

“Gordon Pisani gideb taħt ġurament.” Dan qalu Jeffrey Pullicino Orlando fi stqarrija dalgħodu. Pullicino Orlando qal li meta lbieraħ kien qed jixhed, Gordon Pisani gideb taħt ġurament meta fix-xhieda tiegħu qal li hu, Pullicino Orlando, talab lil Daphne Caruana Galizia biex tiktiblu artiklu qabel l-elezzjoni tal-2008.

Pullicino Orlando qal li hu, dak iż-żmien, ma kienx jaf lil Caruana Galizia u li hu nnifsu kien kapaċi jikteb artklu hu stess. Żied jgħid li xorta ntbgħat għand Caruana Galizia u li kien akkumpanjat minn Gordon Pisani u minn Richard Cachia Caruana li nsista miegħu biex iħalli l-artiklu f’idejha peress li hi kienet tikteb l-artikli kollha relatati ma’ l-elezzjoni għall-partit nazzjonalista.