Waqt id-dibattitu bejn il_Prim Ministru u l-Kap tal-oppożizzjoni fuq il-programm Times Talk fuq l-istazzjon PBS, assistejna għal ħafna batti bekki u tfigħ ta’ tajn u suspetti fuq iż-żewġ naħat. Iż-żewġ Kapijiet kellhom attakki sarkastiċi fuq xulxin fejn kultant anke dehru kemmxejn infantili bħal meta wieħed jgħid li Muscat hu l-uniku bravu, b’Muscat iwieġeb li l-uniku wieħed mhux bravu hu Busuttil. Bħal meta l-prim ministru jwieġeb ,”inti tajjeb biss biex tikkopja” meta l-Kap Tal-Oppożizzjoni qallu “kompli ħaffer” dan wara li ftit minuti qabel l-Prim Ministru kien qallu li bil-mod kif qed jitfa t-tajn jew aħjar jitkellem fuqu kien qed iħaffer il-ħofra tiegħu.
Iżda l-aktar argument qawwi kien meta Joseph Muscat qal li l-bailout kellu bżonnu l-Partit nazzjonalista biex joħroġ mill-qagħdha finanzjarja li kien jinsab fiha. Busuttil wieġeb “għax aħna ma nixaħħmux”.
Muscat:- “Jiġifieri int qed tgħid li jien nixxaħħam?”
Busuttil:- “Bil-fors hux”, “jekk għandek l-awditur Ġenerali jikteb dak li kiteb fejn qallek li tajt 4.2 miljuni”
Muscat:- “Int bis-serjeta?”
Busuttil: “Dawn is-suspetti li jqumu Sur Prim Ministru ta”
Muscat:- “Tal-Mistħija, Tal-Mistħija”
Busuttil:- “Trid tagħti rendikont lin-nies int”
Muscat:- “Qas irrid nagħti kasek, f’ġieh kemm hemm, f’ġieh kemm hemm”
Busuttil:- “Int rajthoim ir-rapporti sur Prim ministru?”
Muscat:- “Dak jien tajtomlhom id-dokumenti għax m’għandix x’naħbi”
Busuttil:- “Tqajjem is-suspetti qiegħed.”
Muscat:- “Jien nitħassar lil Partit nazzjonalista li twikka bi bniedem bħalek. Għax qatt u l-ebda Kap tal-Partit nazzjonalista li niftakar jien ma waqa f’din il-bassezza li qed taqa int. Kompli ħaffer il-ħofra tiegħek stess, kompli.”
Din forsi kienet l-aktar parti iebsa mill-konfront, iżda kien hemm ukoll punti tajbin fid-dibattitu fejn il-Prim Ministru ħabbar li se tinfetaħ l-iskola medika f’Għawdex.
Mistoqsijin mistoqsijiet diretti fl-aħħar tal-programm
Muscat ammetta li żbalja meta kien qal bil-pushback għall-immigranti u Busuttil qal li ma jerġa qatt jieħu deċiżjoni ta’ astensjoni fil-liġi tal-unjoni ċivili. Muscat qal li ma jirrżenjax jekk il-power station ma tkunx lesta f’sena u nofs u qal jirriżenja biss jekk jgħolew il-kontijiet.
Busuttil qal li hu ma jeskludix li jista jkollu koalizzjoni mal-alternattiva Demokartika fl-elezzjoni li ġejja
Sadattant żewġ opinjonisti newtrali taw dan il-punteġġ lil Gvern wara sentejn taħt partit laburista, Dawn kienu Martin Scicluna u Michael Briguglio
Malta Tagħna lkoll:-
Martin Scicluna:- 1/10
Michael Briguglio:- 5/10
Ekonomija u Finanzi:-
Martin Scicluna:- 8/10
Michael Briguglio:- 7/10
Ambjent u Ppjanar:-
Martin Scicluna:- 0/10
Michael Briguglio:- 3/10
Enerġija:-
Martin Scicluna:- 5/10
Michael Briguglio:- 5/10
Tibdil Soċjali:-
Martin Scicluna:- 6/10
Michael Briguglio:- 6/10
Total:-
Martin Scicluna:- 40%
Michael Briguglio:- 52%
Busuttil qal li l-Gvern ma ġabx pass mark meta għoddhom, fil-fatt l-Gvern ġab pass mark mingħand Briguglio jew aħjar kemm għaddha u falla skont Martin Scicluna.
