Il-President tal-Kunsill Ewropew f'Malta

Il-President tal-Kunsill Ewropew Donald Tusk mistenni jżur Malta aktar tard illum għal taħdidiet uffiċjali mal-Prim Ministru Joseph Muscat. L-enfasi tat-taħdidiet mistennija tkun dwar l-isforzi li jridu jsiru sabiex jiġi stabilizzat ir-reġjun, il-kriżi fil-Libja u x'dimensjoni qed tieħu din il-kriżi - kemm fir-reġjun kif ukoll internazzjonalment, kif x'jista' jsir fil-ġlieda kontra l-immigrazzjoni llegali u t-theddid terroristiku.