Simon b'telefonati rrekordjati biex tivvota għall-PN

It-telefonati huma ppjanati li jsiru bejn is-6pm u 8pm, iżda kien hemm min irċevihom ħafna tard mal-lejl

8 t'April 2015 11:33
minn John Busuttil

Il-PN mill-bieraħ filgħaxija ħoloq speċi ta' robocall fejn wieħed jirċievi telefonata awtomatika b'messaġġ irrekordjat minn Simon Busuttil biex tivvota lil membri Nazzjonalisti għal Kunsilli Lokali.

Dan il-pjan hu li jilħaq eluf ta' nies bejn is-6pm u 8pm. Iżda ġara li xi ħaġa marret ħażin u ħafna min-nies bdew jirċievu dawn it-telefonati tard mal-lejl u ma tantx niżlilhom għasel.