Avramopoulos f'Malta

Il-Kummissarju tal-UE għall-Immigrazzjoni Dimitris Avramopoulos huwa mistenni li jasal f'Malta għada filgħaxija wara żjara f'Ruma.

Il-Ħamis huwa mistenni li jattendi l-funeral tal-24 immigrant li tilfu ħajjithom fit-traġedja ta' nhar il-Ħadd.

Wara ż-żjara tiegħu f'Malta Avramopoulos ħa jibqa' sejjer Brussell għal-laqgħa għolja msejħa b'urġenza mill-Italja u minn Malta wara li aktar minn 700 persuna tilfu ħajjithom wara li għerqet id-dgħajsa li fuqha kienu qed jipprovaw jaqsmu l-Mediterran.