Il-Pulizija jibdew jittowjaw karozzi mingħajr permessi

Jidher illi l-aħbar li dehret fuq dan is-sit dwar karozzi bi pjanċi barranin mingħajr il-permessi neċessarji ħalliet impatt hekk kif ilbieraħ kien irraportat li l-Pulizija ttowjaw ħames vetturi barranin ta' dan it-tip, apparti azzjonijiet oħrajn ta' infurzar. Dan is-sit irraporta kif f'lokalitajiet diversi, fosthom u l-aktar ta' Buġibba, numru kbor ta' karozzi mingħajr il-permessi neċessarji kienu qed jokkupaw diversi żoni ta' parkeġġ. Is-sidien setgħu jagħmlu dan mingħajr il-biża' li jingħataw ċitazzjoni.