Fil-periklu tal-mewt wara li ssib ruħha f’diffikultà tgħum f'Birżebbuġa

Mara ta’ 72 sena tinsab fil-periklu tal-mewt wara li sabet ruħha f’diffikultà waqt li kienet qed tgħum fil-Bajja s-Sabiħa, Birżebbuġa.

Il-każ seħħ dalgħodu għall-ħabta tat-7:45 a.m., ftit wara li l-mara, li tgħix Birżebbuġa, niżlet tgħum m’oħtha. Jirriżulta li hekk kif l-aħwa ħarġu ftit il-barra, l-vittma ntilfet minn sensiha u niżlet taħt l-ilma. Kif rat hekk, oħtha bdiet tipprova timbuttha ‘l ġewwa u tgħajjat għal għajnuna. Kif semgħu dan, numru ta’ rġiel li kienu fuq il-bajja qabżu l-baħar u tellgħu ‘l mara. Hi ngħatat l-ewwel għajnuna minn mara ta’ nazzjonalità Ingliża kkwalifikata f’dan sakemm wasal tim mediku. Il-vitma ttieħdet b’ambulanza l-Isptar Mater Dei, fejn kienet iċċertifikatha li tinsab f’qagħda kritika.

Il-każ qiegħed jiġi nvestigat mill-Għassa ta’ Birżebbuġa.