Marlene Farrugia lbieraħ fil-Parlament wegħdet lil Konrad Mizzi li se tagħmillu vot ta' sfiduċja meta jidhrilha hi, wara li Mizzi fil-Parlament sfidaha biex tressaq il-vot ta' sfiduċja fih stess.
Dalgħodu fuq Facebook tagħha kitbet hekk, "Ilbieraħ Konrad Mizzi stedinni biex inressaq il-vot ta' sfiducja (li jaf li ser jirbaħ għax flimkien ma' sħabu għandu maġġoranza ggranfata mas-siġġu tal-poter li tibża' tesprimi veru x' tahseb fuqu fil-pubbliku). Kif għedtilkom f'post ieħor, dik nagħmilha meta jkun l-aħjar għas-servizz tan-Nazzjon."
Fl-istess waqt sfidatu għal dibattitu politiku 'one on one' billi kitbet hekk,"Sadanittant qed nistieden lil Konrad Mizzi biex nagħmlu dibattitu pubbliku, one to one fuq is-suġġett fuq l-istazzjon Nazzjonali, ħalli jekk għandu l-kukki, jipprova jirbaħ barra mhux ġewwa, taħt il-kappa ta' sħabu mwerwrin u diżillużi!
"I'm ready when you are Konrad!"
"Ejja nagħmlu dibattitu fenominali!"
