L-Ewroparlamentari Marlene Mizzi bħalissa tinsab f'Montreal, fejn qegħda tattendi l-World Social Forum (WSF) annwali għas-sena 2016.
Il-Forum Dinji Soċjali, jiġbor flimkien bejn 50,000 u 80,000 ruħ minn organizzazzjonijiet lokali u globali tas-soċjetà ċivili, biex jipparteċipaw f'iktar minn 1,500 attivita. Il-Forum jaħdem biex jinstabu soluzzjonijiet alternattivi u konkreti għall-problemi tal-llum, għall-mudell ekonomiku neoliberali u għall-politika bbażata fuq l-esplojtazzjoni tal-bnedmin u n-natura.
"Huwa ta 'unur li l-Grupp Soċjalisti u d-Demokratiċi fdawni sabiex nirraprezenthom fil-Forum Soċjali Dinji ta' din is-sena. Dan huwa l-akbar Forum Dinji li jiġbor fih membri mis-soċjetà ċivili fejn jiddiskutu soluzzjonijiet għal kwistjonijiet urġenti bħall-iżvilupp soċjali, is-solidarjetà u d-drittijiet tal-bniedem fost oħrajn," qalet Marlene Mizzi.
Mizzi kienet mistiedna specjali fil-McGil Univerisity, f’wiehed mil-aktar workshops important ta’ dan il-forum, dak iddedikat għal kriżi globali tar-refugjati. Għal dan il-workshop, attendew diversi akkademici u membri tas-socjetà civili.
"Il-kriżi attwali tal-immigrazzjoni mhux ser tisparixxi mil-llum għal għada. L-immigrazzjoni mill-Afrika se tkompli tiżdied u ser tkompli tittrasforma s-soċjetajiet tagħna. Id-dibattitu dwar il-Migrazzjoni sfortunatament qed ikompli jaqsam lil Ewropa, ħoloq diviżjoni, tensjoni qawwija u polarizzazzjoni soċjali fi ħdan is-soċjetà tagħna. Iċ-ċittadini Ewropej jinsabu mbezzgha u sakemm aħna imhux ser nindirizzaw u nghatu spegazzjoni ghal dawn il-biżgħat, ser insibu ruhna f'riskju ta 'dannu gravi għall-bażi stess tal-proġett Ewropew " qalet Mizzi.
Fl-intervent tagħha Mizzi tkelmet dwar l-inadegwatezza tas-soluzzjonijiet eżistenti fuq livell Ewropew u Internazzjonali, bħall-Regolament ta' Dublin li għalkemm skadut ipoġġi piż fuq il-pajjiżi tal-fruntiera. Hija tkellmet ukoll dwar l-implimentazzjoni xierqa, l-infurzar u l-importanza li jigu salvagwardjati l-prinċipji tar-rule of law direttament mal-valuri fundamentali tal-Unjoni Ewropea u r-rispett għad-drittijiet tal-bniedem.
Marlene Mizzi sejħet għar-rispons globali, kooperazzjoni, qsim tar-responsabbiltà u solidarjeta – mhux biss minn pajjizi Ewropej. “Hemm bzonn ta’ investiment akbar għal ħolqien ta’ mpjiegi u t-titjib tal-kundizzjonijiet u l-istandards t’għajxien fil-pajjiżi Afrikani, min fejn huma ġejjin ħafna mil-immigranti. Hemm bżonn niżguraw li l-biljuni ta’ ewro li qed jiġu ppumpjati fil-pajjiżi Afrikani, verament qed jibbenifikaw minnhom il-poplu, u mhux qed jispiċċaw fil-but tal-ftit. Irridu nagħtuhom futur f’pajjiżhom stess, biex b’hekk ma jkollhomx raġuni biex ikollhom iħallu lil djarhom u l-familji tagħhom, bir-riskju li jitilfu ħajjithom fit-tfittxija ta’ futur deċenti fl-Ewropa”, qalet Mizzi.
