'Qed iberraq sew għal Dr Simon Busuttil'
Pullicino Orlando jqabbel lil RCC ma' dinosawru u jsejjaħ lil Thake u Daphne 'ċrieċer'
L-eks deputat Nazzjonalista, Jeffrey Pullicino Orlando ħareġ post fuq il-paġna ta' Facebook tiegħu fejn qal li qed iberraq għal Simon Busuttil meta skont stħarriġ li sar mill-uffiċċju tal-Prim Ministru juri li jekk issir elezzjoni issa, il-PL jirbaħ b'distakk ta' 25,000 vot.
Pullicino Orlando qed jgħid li dan ikompli juri li l-PN għadu jimxi fuq dak li qed jgħidlu Richard Cachia Caruana u għadu qed jirkeb fuq it-tgħajjir u l-glorifikazzjoni ta' Daphne Caruana Galizia u David Thake li Pullicino Orlando sejħilhom 'ċrieċer'.
Meta l-illum.com.mt staqsa lil Jeffrey Pullicino Orlando minn fejn ġab iċ-ċifra ta' 25,000 distakk qalilna li din iċ-ċifra kienet ippubblikata fuq il-gazzetta Malta Today u li skont l-awtur, ġiet minn sorsi fl-uffiċċju tal-Prim Ministru li qallu li minn stħarriġ li għandu l-uffiċċju juri li l-Partit Laburista jekk issir elezzjoni għada, jirbaħ b'aktar minn 25,000 vot.
