Filmat | Daniel Bogdanovic huwa l-kowċ ta' iben Anton Refalo

Il-gazzetta MaltaToday tal-lum tiżvela li Daniel Bogdanovic huwa l-kowċ tat-tifel ta' Refalo anke jekk mal-ILLUM Refalo ċaħad li jaf lil Bogdanovic

16 ta' Novembru 2016 08:46
minn Staff Reporter

Daniel Bogdanovic

Minkejja li f'intervista li dehret il-Ħadd li għadda fuq il-gazzetta ILLUM il-Ministru għal Għawdex Anton Refalo ċaħad bil-qawwa li kien hu li ċempel lill-pulizijia biex il-futboler Daniel Bogdanovic jinħeles mill-kustodja tal-Pulizija ħalli jkun jista jilgħab logħba "kruċjali" max-Xewkija Tigers u minkejja li ċaħad bosta drabi li hu jaf lil Bogdanovic il-Maltatoday Midweek illum qed tiżvela kif fil-fatt Refalo għandu konnessjonijiet ma' dan il-futboler. L-istess gazzetta tinsab infurmata li Bogdanovic huwa l-kowċ tat-tifel ta' Refalo.

Mal-ILLUM Refalo stqarr hekk: “Niċħad, niċħad u nerġa’ niċħad. “Niċħad li jien qatt ċempilt lil xi pulizija, lanqas biss nafu lil dan Bogdanovic jien,”saħaq Refalo mal-ILLUM. “La jien u sa fejn naf jien ħadd mill-Ministeru tiegħi m’għamilna telefonati.”