Jason Azzopardi, aktar kmieni dalgħodu, żamm kellmtu u wettaq dak li qal li se jagħmel nhar is-Sibt li għadda, u fetaħ libell kontra l-Ministru Owen Bonnici.
Dan fid-dawl tal-kummenti li Bonnici għamel dwar l-involviment ta' Azzopardi fit-trasferiment tal-art fejn kien hemm il-birrerija tal-Lowenbrau f'Ħal Qormi, lura fl-2009.
Waqt konferenza tal-aħbarijiet li sejjaħ nhar is-Sibt filgħodu, Owen Bonniċi ħabbar li kellu informazzjoni li tikkomferma li Azzopardi kien indaħal fil-proċess tal-bejgħ tal-imsemmija art f'Ħal Qormi, sabiex jassigura li l-benefattur tal-PN, Nazzareno Vassallo, jħallas prezz tal-1990, għall-proprjetà li nbiegħet fl-2009, għal valur ta' €706,400. Intant, il-Ħadd, Nazzareno Vassallo ċaħad kull allegazzjoni dwar dan.
Wara li Azzopardi ħabbar li se jiftaħ libell kontra Bonnici, il-Ministru qallu "Be my guest" !
![[BIL-FILMAT] Il-Ministru tal-Ġustizzja jagħti ħjiel li ċ-ċittadini se jkollhom jitolbu investigazzjoni tal-pulizija qabel inkjesta maġisterjali](http://content.illum.com.mt/ui_frontend/thumbnail/684/0/whatsapp_image_2025-01-20_at_17.01.58.jpeg)
