Id-Deputata u Segretarju Parlamentari Julia Farrugia Portelli jgħid il-PL 'kienet l-ewwel mgħajra pulċinella' mid-Deputat Laburista Godfrey Farrugia fil-Parlament imbagħad fuq il-paġna tal-Partit Demokratiku l-amministratur tal-istess paġna tella' messaġġ li jgħid illi “when village escorts become MPs, you know the country is in the pits" (meta qħab/escorts tar-raħal isiru Deputati Deputati, tkun taf li l-pajjiż jinsab fil-qiegħ."
Iż-żewġ Deputati tal-Partit Demokratiku (PD) iċċaraw li huma fl-ebda ħin ma' għajjru lil Farrugia Portelli 'qaħba tar-raħal' kif qed jipprova jagħti l-impressjoni l-Partit Laburista. Fi stqarrija tal-PD intqal li għalkemm dan il-messaġġ tniżżel wara 15-il minuta u l-persuna ma kellha ebda awtorizzazzjoni mill-partit biex ittella' tali messaġġ, "dan it-tip ta' kliem ma missux ittella' fl-ewwel lok."
Il-PD qal li ħareġ ċanfira kontra l-persuna in kwistjoni u din talbet skuża. Intant il-PD ħabbar li waqqaf Kumitat biex jeżamina l-każ f'aktar dettall u jagħmel rakkomandazzjonijiet għall-futur."
Il-PL intant sostna illi "bit-tgħajjir lejn deputat parlamentari bħala “qaħba tar-raħal” Godfrey Farrugia u Marlene Farrugia niżlu fl-iktar livelli baxxi tal-politika. Jinsultaw lin-nisa u lil kull min ġej minn xi raħal. Din hi politika sessista u elitista li m’għadx hawn postha f’soċjetà moderna li trid tinkludi iktar nisa fil-politika u mhux tnaffarhom b’aġir bħal dan."
"L-inqas li jistgħu jagħmlu Godfrey u Marlene Farrugia hu li jitolbu skuża. Għalkemm dak li għamlu wera tassew fhix jemmnu u x’politika jħaddnu," sostna l-PL
Fil-fatt il-PD, ftit tal-ħin ilu talab skuża għall-lingwaġġ li uża fil-konfront ta' Portelli.
Dan kollu inqala' waqt li Farrugia kienet qed titkellem favur l-emendi tal-Gvern dwar il-Liġi tal-IVF.
