Il-ġid ekonomiku jikber b'€171 miljun fl-ewwel kwart tal-2018

Ċifri proviżorji dwar il-Prodott Gross Domestiku għall-ewwel kwart tas-sena 2018 juru illi l-ġid li nħoloq fl-ekonomija Maltija kien ilaħħaq it-€2.8 biljun. Dan jimmarka żieda ta' €171 miljun jew 6.1% meta imqabbel mal-istess perjodu fl-2017. F'termini reali l-GDP kiber b'4.4%. 

L-akbar żidiet kienu ġġenerati fl-amministrazzjoni pubblika, fid-difiża, saħħa, arti, divertiment, rikrerazzjoni, manutenzjoni tad-djar u l-qasam tal-imnut, akkomodazzjoni u servizzi ta' ikel fost oħrajn.