Tusk jissuġġerixxi li r-Renju Unit jibqa' fl-Unjoni Ewropea

Il-President tal-Kunsill Ewropew Donald Trusk issuġġerixxa li l-wara l-vot tal-bieraħ fil-Parlament Ingliż kontra l-ftehim għal Brexit, ir-Renju Unit għandu jibqa’ fl-Unjoni Ewropea.

“Jekk il-ftehim huwa impossibbli, u ħadd ma jrid Brexit bla ftehim, allura minn se jkollu l-kuraġġ li jgħid x’inhi l-unika soluzzjoni?” staqsa fuq Twitter.

Ilbieraħ, 432 Deputat ivvotaw kontra l-ftehim filwaqt li kienu biss 202 Deputati li vvutaw favur il-ftehim innegozjat mill-Prim Ministru Theresa May tul dawn l-aħħar sentejn.

If a deal is impossible, and no one wants no deal, then who will finally have the courage to say what the only positive solution is?

— Donald Tusk (@eucopresident) January 15, 2019

Min-naħa tiegħu, il-President tal-Kummissjoni Ewropea, Jean-Claude Juncker, wissa li ż-żmien kważi għadda biex ir-Renju Unit jaqbel fuq ftehim.

Ħeġġeġ lill-Parlament Ingliż biex jikkjarifika l-intenzjonijiet tiegħu mill-aktar fis.

Illejla, May u l-Gvern tagħha se jkunu qed jiffaċċjaw vot ta’ sfiduċja fil-Parlament Ingliż.

I take note with regret of the outcome of the vote in the @HouseofCommons this evening. I urge the #UK to clarify its intentions as soon as possible. Time is almost up #Brexit https://t.co/SMmps5kexn

— Jean-Claude Juncker (@JunckerEU) January 15, 2019