Aġġornata | Arrestati wkoll il-kuntratturi tal-proġett biswit id-dar tal-familja Pace

Il-Pulizija qed iżżomm taħt arrest sitt persuni b’rabta mal-inċident li seħħ ilbieraħ u li ħalla lil Miriam Pace mejta wara li ntradmet taħt dik li kienet id-dar tagħha, biswit sit ta’ kostruzzjoni.

Fi stqarrija, il-Pulizija kkonfermat li dawk arrestati huma s-Site Technical Officer, il-Perit tal-proġett u żewġ ħaddiema. Aktar tard waranofsinhar, ġew arrestati wkoll żewġ kuntratturi li tqabbdu mill-iżviluppaturi.

Is-sitt persuni qed jiġu mitkellma mill-Pulizija mid-Distrett tal-Ħamrun.

Id-dar ta’ Pace ġġarfet fi ftit sekondi, għall-ħabta tas-sagħtejn u kwart tal-bieraħ waranofsinhar, bil-ġisem bla ħajja ta’ Miriam jinstab għall-ħabta tal-għaxra ta’ filgħaxija.

Il-ġisem bla ħajja ta’ Miriam ttella’ minn qalb it-tifrik u ttieħed minnufih il-Kamra Mortwarja ta’ Mater Dei.

Intant, għadda għaddejja l-inkjesta Maġisterjali dwar dan l-inċident.

Aqra wkoll:

• Miriam Pace titneħħa minn taħt it-terrapien ta' darha ... bla ħajja​
• Malta mixgħula f'rabja u luttu għat-telfa ta' mara u omm​
• 'Il-mara tat-tbissima' - Malta tqum issellem lil Miriam Pace
• Il-Ministru Ian Borg jikkundanna lil dawk li jridu 'jirbħu xi vot' wara t-traġedja tal-bieraħ
• 'Industrija mhux regolata li tisraq ħajjet in-nies innoċenti' - Il-Kamra tal-Periti