53 każ ġdid ta' Covid-19 filwaqt li fiequ 18-il pazjent

Ilbieraħ saru 1,736 test u minn dawn ħarġu 53 każ ġdid filwaqt li 18-il pazjent fiequ.

Intant, aktar kmieni llum, tħabbret ukoll il-mewt ta' anzjana ta' 86 sena li hija s-16-il vittma tal-virus f'Malta.

L-għadd tal-każi attivi reġa' tela' għal 499 każ.

Il-każi li qed jitħabbru llum għadhom qed ikunu investigati.

Min-numru rekord ta' każi mħabbra lbieraħ:

• 16 kienu qraba pazjenti bil-Covid-19
• tnejn kienu kollegi
• tnejn kellhom kuntatt dirett ma' pazjenti
• żewġ każi kienu importati; u
• żewġ każi kienu mill-cluster tal-kompetizzjoni tal-bodybuilding.

Ilbieraħ tħabbar ukoll li kien hemm 24 każ mir-residenza tal-anzjani San Ġużepp fil-Ħamrun. Ma' dawn żdiedu żewġ każi oħra minn djar tal-anzjani.