Il-vittmi tal-Covid-19 jitilgħu għal 137; Imutu erba' anzjani oħra

L-etajiet ivarjaw bejn l-74 u l-94 sena

30 ta' Novembru 2020 08:33
minn Yendrick Cioffi

Il-Ministeru għas-Saħħa ħabbar li erba’ anzjani mietu waqt li kienu pożittivi għall-Covid-19.

Fl-ewwel każ anzjana ta’ 75 sena, li kienet ikkonfermata pożittiva għall-Covid-19 fil-31 ta’ Ottubru, mietet fid-29 ta’ Novembru fl-Isptar Mater Dei.

Fit-tieni każ anzjan ta’ 94 sena, li kien ikkonfermat pożittiv għall-Covid-19 fil-21 ta’ Novembru, miet ilbieraħ fir-Residenza St Vincent de Paule.

Fit-tielet każ anzjana ta’ 90 sena, li kienet ikkonfermata pożittiva għall-Covid-19 fit-13 ta’ Novembru, mietet ilbieraħ fl-Isptar Mater Dei.

Fir-raba’ każ anzjan ta’ 74 sena, li kien ikkonfermat pożittiv għall-Covid-19 fis-16 ta’ Novembru, miet ilbieraħ fl-Isptar Mater Dei.

Dan ifisser li issa l-għadd tal-vittmi tela' għal 137.

Yendrick Cioffi studja l-ġurnaliżmu fl-Università ta' Malta fejn kiseb Baċċellerat bl...