101 persuna jinstabu pożittivi għall-Covid-19; Ifiqu 150 pazjent

L-awtoritajiet tas-saħħa ħabbru li 101 persuna nstabu pożittivi għall-Covid-19 bejn ilbieraħ u llum filwaqt li fiequ 150 persuna oħra.

Dan ifisser li l-għadd tal-każi attivi issa huwa ta' 1,761. 

Ilbieraħ saru 2,978 test.

Intant, mill-59 każ mħabbra lbieraħ, 19 kienu fost qraba u seba' kienu kollegi ta' persuni li nstabu pożittivi fl-aħħar jiem.

Kien hemm ukoll żewġ persuni li ġew f'kuntatt ta' persuni infettati u żewġ każi oħra żviluppaw minn attivitajiet soċjali.

Minn Marzu, f'Malta kien hawn 11,254 każ ta' Covid-19.

174 persuna tilfu ħajjithom filwaqt li 9,319-il persuna fiequ.