Arrestata mara li daħlet tisraq minn ħanut tal-annimali

Mara ta' 44 sena, residenti San Pawl il-Baħar, ġiet arrestata b’rabta ma’ serqa minn ħanut tal- annimali fil-Marsa.

Kien il-Ħadd 25 ta' Jannar, meta rġel daħal l-Għassa tal-Ħamrun jirrapporta li xi ħadd seraqlu ammont ta' flus mill-ħanut.

Mill-istħarriġ li sar, anke permezz ta’ filmati tas-sigurtà, il-Pulizija identifikat lill-persuna li allegatament wettqet is-serqa u l-mara ġiet arrestata.

Hi mistennija titressaq il-Qorti llum.