68% tal-Maltin huma mlaqqma kompletament u 81% ħadu mqar doża waħda tal-vaċċin

Id-Deputat Prim Ministru u Ministru għas-Saħħa Chris Fearne ħabbar li sa dalgħodu, aktar minn 300,000 persuna se jkunu mlaqqma kompletament kontra l-Covid-19.

Dan ifisser li 68% tal-popolazzjoni adulta se tkun ħadet it-tilqim kollu, jiġifieri żewġ dożi fil-każ ta' Pfizer, Moderna jew AstraZeneca u doża waħda fil-każ tal-Johnson & Johnson.

Apparti minn hekk, 81% tal-popolazzjoni adulta f'Malta ħadet imqar doża waħda tal-vaċċin.

Bħalissa, il-programm tat-tilqim huwa miftuħ għal kull min għandu aktar minn 16-il sena.

Fil-ġimgħat li ġejjin, hu mistenni wkoll li t-tilqima tingħata lil dawk li għandhom aktar minn 12-il sena.