Jonqsu l-pazjenti bil-Covid-19 f'Mater Dei inkluż dawk fl-ITU

Fl-aħħar 24 siegħa in-nies rikoverati l-isptar għall-Covid-19 naqas għal 28 persuna iżda fl-ITU għad baqa' żewġ min-nies.

Għaldaqstant fl-aħħar 24 siegħa wkoll instabu 38 każi attivi tal-Covid-19 filwaqt li 43 pazjent ġew imfejqa li jwassal biex f'Malta issa hawn 740 persuna pożittiva għall-Covid-19.

In-numru ta' nies ivvaċinati kompla tiela' biex issa laħħaq 803,975, b'1,796 vaċċin amministrati lill-anzjani residenti fi djar ta' kura, bħala booster.