Se jinbidlu r-restrizzjonijiet dwar is-safar u l-protokolli tal-kwarantina

Ir-restrizzjonijiet marbuta mas-safar u anke l-protokolli tal-kwarantina mistennija jinbidlu. Ħabbar dan id-Deputat Prim Ministru u Ministru għas-Saħħa Chris Fearne.

Fuq Twitter, il-Ministru qal li dawn il-bidliet ġew diskussi waqt laqgħa mas-Supretendent tas-Saħħa Pubblika Charmaine Gauci u mistennija jitħabbru għada waqt konferenza tal-aħbarijiet.

Following this morning’s biweekly meeting with SPH Prof Gauci, I will be announcing changes to #Malta travel restrictions - including quarantine protocols - to the press tomorrow. pic.twitter.com/CsKcNP6q9v

— Chris Fearne (@chrisfearne) September 14, 2021

Din id-deċiżjoni ttieħdet wara kritika qawwija li qed jirċievu l-awtoritajiet tas-saħħa hekk kif persuni li jkunu ġejjin minn pajjiżi mhux meqjusa siguri għas-safar (dark red zones), qed ikunu kostretti jagħmlu kwarantina f'lukanda anke jekk ikollhom proprjetà f'Malta jew inkella jkunu għamlu arranġamenti oħra.

Dawn il-persuni qed jispiċċaw iħallsu €100 kuljum, b'uħud minnhom jilmentaw dwar il-kundizzjonijiet u anke l-ikel mogħtija.

Aqra wkoll:

• Protest ġudizzjarju kontra Charmaine Gauci u l-obbligu tal-kwarantina f'lukanda

• 'Kwarantina f'lukanda għal min għandu residenza f'Malta ma tagħmilx sens' - Agius Saliba

• L-infermiera jisħqu li l-kwarantina obbligatorja f'lukanda hija 'kastig inaċċettabbli'