Tmut anzjana ta' 88 sena iżda jerġgħu jonqsu l-pazjenti fl-isptar

Fl-aħħar 24 siegħa, Malta kellha vittma oħra tal-pandemija, hekk kif ħalliet ħajjitha anzjana ta' 88 sena waqt li kienet pożittiva għall-virus.

Madankollu l-awtoritajiet tas-saħħa rraportaw nuqqas ta' każi ġodda kif ukoll pazjenti fl-isptar.

Il-każi attivi ta' Covid-19 naqsu għal 718. Minn dawn, hemm biss 25 persuna li qed jingħataw kura f'Mater Dei, b'ħamsa minnhom jinsabu fl-ITU.

Fl-aħħar 24 siegħa, instabu 32 każ ġdid ta' Covid-19 filwaqt li fiequ 60 pazjent.

Kompla wkoll għaddew it-tilqim, inkluż dak tal-booster fost l-anzjani.

Fil-fatt, sa issa, 3,468 anzjan ħadu l-booster tal-vaċċin.