670 każ attiv ta' Covid-19 iżda 15-il pazjent biss f'Mater Dei

L-awtoritajiet tas-saħħa ħabbru 64 każ ġdid ta' Covid-19, filwaqt li 30 persuna huma kkonfermati mfejqa.

Dan ifisser li l-każi attivi ta' Covid-19 f'Malta issa żdiedu għal 670.

Madanakollu, l-għadd ta' pazjenti f'Mater Dei jibqa' wieħed stabbli. 

Total ta' 15-il persuna jinsabu rikoverati fl-isptar u minn dawn, tliet persuni qed jingħataw il-kura fit-taqsima tal-kura intensiva.

Intant, kompla wkoll it-tilqim fejn 82,115-il persuna issa ħadu l-booster tal-vaċċin.