Tifla ta' sitt snin taqa' minn tieqa u tweġġa' gravi

Tifla ta' sitt snin ġarrbet ġrieħi gravi wara li waqgħet minn tieqa.

Il-każ seħħ ilbieraħ waranofsinhar fi Triq ix-Xwieki, f'Ħal Għargħur.

Jidher li t-tifla waqgħet għoli ta' madwar sular.

Fuq il-post issejjaħ tim mediku u ambulanza ħaditha l-Isptar Mater Dei għall-aktar assistenza medika, fejn ġiet iċċertifikata li sofriet ġrieħi gravi.

L-investigazzjonijiet tal-Pulizija għadhom għaddejjin